هيا بنا نقاضى رئيس العصابة حسنى مبارك

من طرف **حسين الوحش** الخميس يونيو 16, 2011 5:41 am

هيا بنا نقاضى رئيس العصابة حسنى مبارك
حملة جمع مليون توقيع لرفع دعوة ضد رأس النظام السابق واسراتة

اولاً :– نناشد نقابة المحامين لرفع دعوة قضائية ضد مبارك وعائلته بصفتهم وشخصهم نداء الى كل محامى مصرى شريف (( ان تنصروا الله ينصركم ))

انصروا مصر واهل مصر وتعالوا نعيد حقنا دون رحمه اوشفقة على هولاء المجرمين

ثانياً:- جمع مليون توقيع من مصريين شرفاء بيحبوا مصر. لتتحقق العدالة الكاملة

ثالثاً:- نناشد كل رجال سلك القضاء النظر فى الدعوة بحيث انها معانة شعب

ومصير دولة وارواح بشر تهدر كل دقيقة من الجوع والمرض والفقر والقهر والجهل

ولا تاخذكم رحمة ولا شفقة بهولاء العابسين بمصير مصر وشعبها يارجل العدل والقضاء ان الله تعالى اسمة العادل فارجو منك ان تحققوا العادلة دون رحمة ولا شفقة

ولى سؤال بسيط وارجو ان تتسع صدركم لى . لماذا تسجن الذيول وتترك الرؤس

حتى لو كان سجن هولاء مثل الفندق مش مهم معهم موبايلات فى السجن مش مهم عندهم تكييف فى السجن مش مهم كل يوم زيارة برضة مش مهم معهم كل واحد لاب توب فى السجن مش مهم وعندهم كل وسائل الترفيه فى السجن برضة مش مهم فى الاخر هما فى السجن – السؤال بقى ليه مبارك مش فى السجن وليه سوزان ثابت خرجت من قبل ماتروح السجن . طب لو واحد سرق رغيف عيش عشان اولاده هيموتوا من الجوع هو مش لقى شغل ولا معه فلوس وعنده كل الاعزار والاسباب اللى تخليه يسرق غصب عنه لا محالة . طبعاً البوليس والنيابة والقضاء يعملوا ضبط واحضر وحبس للمجرم حرامى الرغيف ياعالم ده رغيف مش ممكن لازم يخش السجن ده مجرم سرق رغيف واللى يسرق الزغيف بكره يسرق غموس للرغيف ابداً لازم ياخد اعدام ويشبع اهانه وضرب سب وما رايكم فى ناس سرقوا عمر وروح وتاريخ وفلوس شعب مصر كله بلارحمه ولا ضمير باعوا لينا المرض بفلوس والجهل برضة بفلوس باعوا شعب مصر كله مين دول بقى طبعاً. مبارك وعائلته ولكنهم مازلوا يتمتعوا بالسلطة والنفوذ حتى الان والسيطرة الكاملة علي الدولة حتى الان. وضاع دماء الشهداء وايضاً الثورة ومعانه الشعب من 30 سنة قهر وفقر وذل وجهل ومرض وشقاء . هل ممكن ان يدخل هولاء سجون عادية مثلهم مثل سرق الرغيف الله اعلم . اعلم كيف ينام مبارك وعائلته دون التفكير ان الله لا يغفل ولاينام ويعلم ما فعلوا بنا على مر الزمان وحتى الان لك الله ياشعب مصر. هل الوقت الان فى صالحنا؟

الوقت ليس فى صالح الشعب انما فى صالح هولاء الاوغاد فارجوكم ان تسرعوا فى رفع الدعوة.

واخيراً اناشد كل وطنى شريف ان يساعد على رفع دعوة قضائية ضد هولاء السفاحين لانهم لاخير فيهم ولا رحمه لهم اوشفقة عليهم لانهم اضاعوا مصر وشعبها.